Obair na gCapall

Féach ar an gcapall sin thall, an ceann dubh agus bán,
Blinkers ar na súile agus adhastar ar a cheann.
An trap mór lán le daoine á tharraingt aige;
Cúigear, seisear leis an tiománaí chun tosaigh orthu

Lasc den fuip agus ar aghaidh leis an gcréatúr.
Trup, trup a chapaillín, an t-amhrán os mo chomhair
agus an capall álainn seo ag obair faoi theas na gréine.
An ghrian ag ardú thar dhroim an lae.

‘Cash in hand’ don tiománaí agus cuimilt don chapall ag an deireadh,
Ni bheadh a fhios agam an é an capall nó an turasóir atá sa trap.
Siar leo abhaile ar an mbóthar úd thall.
Capall amháin den marcshlua, ag máirseáil caol díreach abhaile.